LABORAL Kutxa eta Gipuzkoako Bazkundea lankidetzan ari dira enpresen nazioartekotzea eta lurraldearen garapen ekonomikoa bultzatzeko
Donostia – 2023ko abuztuaren 3a
LABORAL Kutxak eta Gipuzkoako Bazkundeak lankidetza-hitzarmen bat sinatu dute Gipuzkoako garapen ekonomikoari laguntzen dioten ekimenak babesteko eta, bereziki, enpresa-ekimen berriak sustatzeko eta horien finantza-beharrei erantzuteko.
Javier Cortajarena Goñi LABORAL Kutxako merkataritza-zuzendariak eta Javier Zubia Gipuzkoako Bazkundeko idazkari nagusiak sinatu zuten akordioa.
Akordioak lehentasunezko helburuen artean hartzen du Gipuzkoako garapen ekonomikoari laguntzen dioten ekimen guztiak babestea, eta, bereziki, enpresa-ekimen berriak sustatzen eta horien finantza-beharrei erantzuten laguntzea.
Gipuzkoako Bazkundeko enpresa-leihatilako zerbitzuaren erabiltzaile diren ekintzaileak edo Berriz Enpresa zerbitzura sartzen direnak txikizkako merkataritzako negozioei jarraipena emateko, eta txikizkako merkataritza, oro har, hitzarmenaren onuradun nagusiak dira.
Abantaila handiak emango zaizkie Gipuzkoako ekintzaile berriei, bai eta lurralde horretako merkataritza-sektoreari ere, bai produktu espezializatuei dagokienez (Pro Kontua, Aplazapagos, Finantzaketa Aktiboko Plana, EIF linearen finantzaketa, EBBekin egindako finantzaketa-hitzarmenak, Pro Aseguruak, Online Pro Banka, etab.), bai balio erantsiko zerbitzuei dagokienez (Gaztenpresa, Consulting Pro, webinars, newsletter Pro), bai LABORAL Kutxak profesionalen, autonomoen, negozioen eta mikro-eteen segmentuan espezializatutako kudeatzaileen bidez eskaintzen duen arreta espezifikoari dagokionez. Era berean, Gipuzkoako ekintzaile berrien sendotze, sustapen eta laguntzari ere erantzuten dio.
Aurten, azpimarratzekoa da TicketBai ST modalitatea, zeinak eskudirutan nahiz txartelarekin egindako kobrantza guztiak kudeatzen eta betetzen baititu, eta Next Generation Funtsei buruzko aholkularitza-zerbitzua – LABORALnext –, laguntza eta deialdiei buruzko informazio guztia biltzen duena, enpresa-proiektuak Next Funtsak eskura ditzakeen ala ez jakiteko aholkularitza ematen duena, eta, jakina, laguntzak aurreratzeko eta proiekturako finantzaketa-irtenbideak ematen dituena.
Era berean, ekitaldi berean beste lankidetza-ildo bat sinatu zen aldeen artean, Gipuzkoako enpresei nazioartekotze-jarduerei buruzko informazioa emateko, "International Markets News" buletinaren bidez, Laboral Kutxak buletin horretarako albisteak emanez edo Laboral Kutxaren enpresaren blogerako Gipuzkoako Bazkundeak nazioarteko atalean edukiak emanez.
Mota honetako lankidetza-akordioak ezarriz lortu nahi dugun helburua gure jarduera-eremuko gure enpresa- eta merkataritza-sarearekin jarduera eta negozioa sortuko duten harremanak estutzeko estrategian aurrera egitea eta sakontzea da.
Para más información:
Jone Lacunza
Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
943 000 310 / 688 884 347