Merkataritza Berrikuntzako Programa 2022

Zertan datza?

Merkataritzaren egoeraren diagnostiko bat, alderdi ahulak identifikatzeko aukera ematen duena eta parte hartzen duen negozio bakoitzerako hobekuntza-proposamenak banaka ematen dituena.

• Negozioaren egoera indibidualizatua aztertzen da establezimenduan bertan bisita bat eginez.
• Gipuzkoako Bazkundeko Merkataritzako Aholkulari Teknikoek jasotako eta aztertutako informazioaren txosten zehatza egiten dute.
• Negozioa berritzeko eta optimizatzeko hobekuntza-ekintzak gomendatzen dira. Gomendioak estrategia, berrikuntza, teknologia, kudeaketa, bezeroak eta beste hainbat gairi buruzkoak dira.

Zenbat balio du?

Programak %100eko diru-laguntza du.

Txikizkako Merkataritzako Programaren barruan, Merkataritza Berrikuntzako Diagnostikoak Europar Batasuneko Eskualde Garapeneko Europako Funtsak (EGEF) eta Merkataritzako Estatu Idazkaritzak finantzatzen dituzte oso-osorik, eta, horrenbestez, DOAKO zerbitzua da parte-hartzailearentzat.

Nork eman dezake izena?

64, 65 edo 66 epigrafeetako batean ekonomia-jardueren gaineko zergan alta emanda dauden Gipuzkoako enpresa txiki eta ertainak edo enpresa autonomoak. Farmaziak kanpoan geratzen dira.

Plazak mugatuak dira (aurrekontua agortu arte).

Nola eman daiteke izena?

Jarraian aipatzen diren dokumentuak aurkeztu behar dira:

• Parte hartzeko eskaera
• Erantzukizunpeko adierazpena
• Ekonomia-jardueren gaineko zergan, 64, 65 edo 66 zenbakiekin hasten den epigraferen batean alta egiaztatzen duen agiria.
• Eskatzailearen NANa

Ondasun-erkidegoaren edo sozietate mugatuaren kasuan, gainera:

• Enpresaren IFK
• Eskaera sinatzen duen pertsonaren ordezkaritza-botereak.

Noiz egin daiteke eskaera?

Izena emateko epea: 2022ko ekainaren 7tik azaroaren 16ra.

Non egin daiteke eskaera?

• Aurrez aurrekoa: Gipuzkoako Bazkundea · Avda. Tolosa 75º, 20018 Donostia.

Bazkundeko erregistro-ordutegi ofizialean aurkeztutako eskabideak bakarrik onartuko dira.

Ordutegia:

- Astelehenetik ostegunera: 8:30 - 13:30 eta 15:30 - 17:30

- Ostiraletan: 8:30etik 13:30era

Udako ordutegia (ekainaren 21etik irailaren 20ra):

- Astelehenetik ostiralera: 8:30 - 13:30

• Online: egoitza elektronikoaren bidez, helbide honetan eskuragarri: https://sede.camara.es/sede/gipuzkoa

Deialdi ofiziala 2022

Deialdi ofizial osoa 2022

Europar Batasuneko Eskualde Garapeneko Europako Funtsak (EGEF) eta Merkataritzako Estatu Idazkaritzak finantzatutako Txikizkako Merkataritza Programaren esparruan Merkataritza Berrikuntzako Diagnostikoak garatzeko laguntzen deialdi publikoa aurkeztu da.

Deialdiaren Eranskinak

• Eranskina- Merkataritza-berrikuntzako diagnostikoen deskribapena
• Eranskina- PARTEHARTZE ESKAERAren formularioa
  
• Eranskina- Merkataritza eskatzailearen erantzukizunpeko adierazpena
• Eranskina- Betearazpen-hitzarmena (informazio gisa. Gipuzkoako Bazkundeak betetzeko)

Informazio gehiago:

Tel. 943 000 308

Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.