Eusko Ganberek eta Eusko Jaurlaritzako Turismo, Merkataritza eta Kontsumo Sailak antolatuta, Madrilen, Bartzelonan eta A Coruñan kokatutako hamabi enpresaren esperientziak eta jardunbide egokiak erakutsiko dituEusko Ganberek eta Eusko Jaurlaritzako Turismo, Merkataritza eta Kontsumo Sailak antolatuta, Madrilen, Bartzelonan eta A Coruñan kokatutako hamabi enpresaren esperientziak eta jardunbide egokiak erakutsiko ditu.
Gaur egun, merkatuan kokatu ahal izateko gero eta garrantzitsuagoa da lehiaren aldean faktore bereizgarri bat aurkitzea. Dinamika hori gero eta nabarmenagoa da merkataritza-sektorean, eta negozioaren ikusgarritasuna, dela online, dela establezimenduaren beraren bidez, funtsezkoa da.
Xehetasun txiki bat inflexio-puntu bihur daiteke bezero bat erosketa bat egitera gonbidatzearen edo ez gonbidatzearen artean. Edo leialtzeko, gure negozioarekin lotura handiagoa ziurtatuz. Hurbileko merkataritza, denboran ainguratutako zerbait izatetik urrun, inoiz baino biziago dago. Baina horrek garai berrietara eta kontsumoaren eskaeretara egokitzea ere eskatzen du. Beharrezkoa da merkataritza-joera berritzaileenen berri izatea eta gure kasuan nola ezar daitezkeen ikustea, edo interesgarriak izan daitezkeen negozio-eredu edo -bide berriak ezagutzea.
Estatu mailako erreferenteak
Hori dela eta, Eusko Ganberek, Eusko Jaurlaritzako Turismo, Merkataritza eta Kontsumo Sailarekin lankidetzan, urtarrilaren 27an, 14:00etatik 15:30etara, 'Merkataritza Joeren Misio birtuala' antolatuko du. Bertan, zuzenean ezagutu ahal izango dira Estatuko merkatuan erreferentzia bihurtu diren merkataritza-establezimenduen esperientziak.
Bideo sorta baten bidez, Madrilen, Bartzelonan eta A Coruñan kokatutako dozena bat enpresabururen testigantzak eskainiko dituzte. Bertatik bertara kontatuko dute zer esperientzia izan duten, nola jakin duten berregokitzen, bezeroei zerbait berria eskaintzeko, baina esentzia galdu gabe, edo nola egin dioten aurre koronabirusaren pandemiak ekarri duen erronkari.
Erosteko esperientzia
Horrela, Madriletik ikusiko dugu zein garrantzitsua den erosketa-esperientzia erakargarri eta eraginkorrak sortzea, eta, merkataritza-transakziotik harago, bezeroaren esperientzia bera izango dugu ardatz. Bisitatutako establezimenduetako arduradunek azalduko digute zeinen garrantzitsua den ondo landutako marka-nortasuna izatea, produktuak eszenaratzea itxaropenak sortzeko, edo eskura ditugun baliabideak nola baliatu esperientzia eraginkorra sortzeko, digitalizazioa txertatuz.
Auzoaren indarra
Condal Hiriko establezimenduei buruzko proiekzioan, Bartzelonan dagoen auzoko merkataritza-espiritu errotua aztertuko dugu. Horrek bizirautea eta multinazional handien aurrean lehiatzea ahalbidetu die. Tokikotasunaren aldeko apustua egiten duten saltoki horien bideragarritasuna produktuaren I+Gan oinarritzen da, beren negozioen ardatz gisa, eta auzoko bizitzan txertatzean.
Iraunkortasuna
Azkenik, A Coruñatik merkataritzaren ikuspegi 'jasangarriagoa' ikusiko dugu, globalizazioaren aurrean tokiko ekonomia eta planeta jasangarri eta justuago baten alde lan egiten duten lau ekintzaile protagonista dituena. Beren gaitasunarekiko faktore bereizgarri bat, bezeroarekiko hurbiltasunaren eta konfiantzaren bidez komunitatea sortzeko balio diena.
.
Izena eman!
Txankakua elkarteak Gabonetako kanpaina jarri du abian, eta, berriro ere, hurbiltasuna, konfiantza, adiskidetasuna... erakutsi nahi ditugu, saltoki txikien garrantzia ahaztu gabe eta dendak bizia ematen duela azpimarratuz.
Bideo bat argitaratu da, kaleak apainduko dira, bezeroek zozketa batean parte hartzeko aukera izango dute eta opari txiki bat emango zaie.
Urte hau urte zaila izan da guztiontzat, eta oraindik asko dugu gainditzeko. Merkatariek parte hartzen duten bideo bat argitaratu dugu, gertutasuna, konfiantza eta adiskidetasuna islatzeko. Esan nahi dugu benetan garrantzitsuak sentitzea eragin duzuela eta bi hitz esateko beharra sentitu dugula. ESKERRIK ASKO, gure dendetan izan diren guztiei esker, eskerrik asko egunero egoteagatik, eta zuekin izaten jarraitzea espero dugu.
Inoiz baino gehiago dakigu elkar behar dugula orain. Bideoaren lotura https://www.youtube.com/watch?v=LYP6LXhkrfQ&t=1s
Kaleak moketa gorri batekin eta Gabonetako zuhaitz batekin apainduko dira, Gabonetako espiritua islatzeko.
Egun horietan, saltokietan erosten duten bezeroek 1.800 €‐ko zozketa batean parte hartuko dute erosketa‐baleetan, 10 saritan banatuta. (500 euroko 2 sari eta 100 euroko 8 sari). Egun horietan ere opari txiki batzuk banatuko dira.
Udalerriko denda, ostalaritza eta zerbitzuak bilduko dituen plataforma martxan jartzeko lanean ari gara, datorren urtean zehar hura indartzeko aurreikuspenarekin.
Azken finean, gure mezua hau da: Elgoibarren Bizi – Erosi – Herriak Irabazi.
Babesleak: Elgoibarko Udala eta Eusko Jaurlaritza, Turismo, Merkataritza eta Kontsumo Saila.